გამარჯობა,
მე გახლავართ შოთა კოპალიანი, ლეჩხუმიდან, კერძოდ სოფელ ჭალისთავიდან. პროფესიით ინჟინერ-მექანიკოსი, თუმცა ჩემი ამჟამინდელი საქმიანობა ველურად მზარდი მცენარეებისგან ჩაის წარმოებაა, კერძოდ ბიო ორგანული ჩაის. ჩემი გადმოსახედიდან ვთვლი, რომ ეს მიმართულება უფრო და უფრო მნიშვნელოვანი ხდება მსოფლიოში.
სწორედ ჩემი ბიო სექტორში მოღვაწეობა იყო ევროკავშირის, შვედეთის და ავსტრიის მხარდაჭერის მთავარი მიზეზი. 2019 წელს აღნიშნული დონორების მიერ ინიცირებული პროექტ GRETA-ს შესახებ რაიონის საკონსულტაციო ცენტრისგან შევიტყვე. დეტალური და სასარგებლო ინფორმაცია ამავე პროექტის მიერ ჩატარებული რეგიონული საინფორმაციო შეხვედრების შედეგად მივიღე და იქვე გადავწყვიტე საგრანტო კონკურსში მონაწილეობა მიმეღო.
პროექტის დაწერისას, წარმოების პროცესში არსებული პრობლემები გავითვალისწინე, რომლის გამოსწორებაც საქმიანობის წარმატებას განაპირობებდა. ჩემი საქმიანობა იმ დროს მოითხოვდა მაღალი გამავლობის ორხიდიანი მანქანის ფლობას, რადგან პლანტაციიდან მოსავლის გამოტანა საკმაოდ დიდ სირთულეს წარმოადგენდა. გარდა ამისა, წარმოების გამართული პროცესისთვის სასიცოცხლოდ მნიშვნელოვანი იყო დანადგარი, კერძოდ ჩაის საგრეხი აპარატი, იგივე როლერი. საგრანტო კონკურსში გამარჯვების შემდეგ აღნიშნული დახმარება სრულად მივიღე, რომლის შედეგად წარმოების მოცულობა გაიზარდა და ამასთანავე შრომა საგრძნობლად გამარტივდა.
რადგან დონორების მიერ გაწეულ დახმარებებზე ვსაუბრობ, გვერდს ვერ ავუვლი საზღვარგარეთ საერთაშორისო გამოფენებში მონაწილეობას. ჩვენნაირი პატარა მეწარმეებისთვის საერთაშორისო გამოფენები ნამდვილად დიდი შესაძლებლობაა. 2022 წელს დუბაიში ორგანული პროდუქტების გამოფენაზე 8 მცირე მეწარმემ, ხოლო 2023 წელს 3-მა მეწარმემ, წარვადგინეთ ქართული ორგანული ჩაი წარვადგინეთ, რამაც საკმაოდ დიდი ინტერესი და მოწონებაც დაიმსახურა და დღეს ჩვენ პოტენციურ კლიენტებთან ერთად ინტენსიურად ვმუშაობთ საერთაშორისო სტანდარტების მოთხოვნების შესაბამისობაზე.
აქედან გამომდინარე, ჩვენი უახლოესი გეგმები სწორედაც რომ უცხოეთის ბაზრის ათვისებას მოიცავს და გვჯერა რომ დავასტაბილურებთ წარმოებას და ჩვენი ბიო ჩაი საზღვარგარეთ აუცილებლად იქნება წარმოდგენილი. ამ ყველაფერს კი რასაკვირველია ზურგს უმაგრებს ჩვენი პროდუქციის ბიო სერტიფიცირება, რომელიც ასევე დონორების ფინანსური დახმარებით მოხდა. ბოლოს მინდა აუცილებლად აღვნიშნო ტრენინგები და სამუშაო შეხვედრები, რომელმაც ჩემი ბიზნეს საქმიანობის სწორად მართვის ტექნიკები შემასწავლა.
ჩემს ამ მცირე მონაყოლში უკვე რამდენიმე ხელშესახები სარგებელია, თუნდაც დახმარების შედეგად თითქმის 10-ჯერ გაზრდილი წარმოება. ეს მიღწეული წარმატება უკვე მაძლევს იმის საფუძველს, რომ რჩევა მივცე სხვა მცირე მეწარმეებსაც, რომ მნიშვნელოვანია ინფორმაციის ფლობა, რადგან ეს უკვე წარმატებისკენ გადადგმული პირველი ნაბიჯია. ვურჩევ, რომ თვალი ადევნონ დონორების მხარდაჭერით განხორციელებულ სხვადასხვა საგრანტო პროგრამებს და ჩემი მაგალითის გათვალისწინებით, შეუძლიათ მხარდაჭერის დიდი შანსი ქონდეთ, მიღებულ ინსტრუქციებს თუ ზედმიწევნით შეასრულებენ.
ასევე ვიტყოდი, რომ მსგავს საინტერესო პროექტებთან სათანამშრომლოდ და ახალი შესაძლებლობების გამოყენებისთვის მზად ვარ და კონტაქტისთვისაც ღია ვარ ელექტრონული ფოსტის საშუალებით: shotakop@gmail.com
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განთვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა.
ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ავსტრიის განვითარების სააგენტო/პროექტი GRETA და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის